Mastektomie oder Tumerektomie ?

Broschtkriibspatientinnen, opgepasst, op dësem Bild gesidd dir lénks eng Mastektomie a riets eng Tumorektomie. Et ginn Dokteschen (hei zu Lëtzebuerg) déi de Fraen eng Mastektomie verrechnen an an all Rapporte "Mastektomie " schreiwen, obwuel se de Fraen eng Tumorektomie gemaach hunn. Di betraffe Frae (déi sech eng Mastektomie gewënscht hunn) kennen sech net aus a wëssen net datt eppes schif leeft. Op Grond vun dëser falscher Bezeechnung entscheed dat multidisziplinär Team keng Bestrahlung ze maachen (déi Leit hu just Rapporter vun der Patientin, si selwer gesi se net).

Eng Tumorektomie soll bestraalt ginn well nach vill Broschttissu iwwerg ass.

Leider ass keen aneren Dokter a keng Fleegepersoun do fir d'Patientin dorop opmierksam ze maachen (do feelt et un Zivilcourage).

Wann Dir also net wierklech platt operéiert sidd a keng Bestrahlung kritt hudd, loosst Iech vun engem ganz aneren Dokter beroden datt dir net mat dem Rescht Broschttissu weider lieft.

De Risiko ass einfach ze grouss datt iwwerg bliwwe Kriibszellen erëm aktiv ginn!

Sou lafen déi Fraen duercht d'Liewe bis si zoufälleg op eng informéiert Persoun stoussen, déi se dann op d'Gefor hiweist.

09.11.2023